10:32:38 معهد الفرات للتنمية Alforat Institute for the Development
 

   

English   عربي   Contact   إتصال   News  الأخبار  Video  الفديو  

 

 

 

 

 

 

 

 

 

 

 

 

 

 

Be carefull of your knowlege, and see from whom you take it

سل النهرين عن كرم العراق      وعن عطش الحسين بكربلاء

   

إكـتب أكـتب يـا قـلم

وصوري ياكامرات

نحن عشاق الحسـين

شوكة بعيون الطغاة

 

1

إخـذ بـيدك كـامـرة وثـق الصار وجـرى

وخلي كل شي توثقه تشاهدة عيون الورى

وإنـقل لكل الــشعـوب إحنه شـيعة حـيدرة

حـبنه لـحسين الحياة وهو درب الأخـرة

 

وصور وجيب الصور  وزع لكل البشر

 

ومن يكول حسين مات

ومن يكول حسين مات

 

إكـتب أكـتب يـا قـلم

وصوري ياكامرات

نحن عشاق الحسـين

شوكة بعيون الطغاة

 

2

إكتب إكتب ياقلم حتى ينزال الآلم

إكتب وعلم الناس بكربله دروس وحكم

إكتب حسين الأمير ومدرسة لكل القيم

حسين درب الأنتصار والمشي بغيره ندم

 

روح يم القبر زوره وإخذ للمشاية صورة

 

حسين مركبة النجاة

حسين مركبة النجاة

 

إكـتب أكـتب يـا قـلم

وصوري ياكامرات

نحن عشاق الحسـين

شوكة بعيون الطغاة

 

3

وثق العينك تشوفه وإكتب إكتب من جديد

وإكسر أصنام السقيفة وأرجم إبليس المريد

حسين للأحرار قدوة وصار إسمه إلهم نشيد

حرر الناس بثباته وكسر قيود العبيد

 

إخذ صورة للقبر وشوف زواره شكثر

 

حسين مرعب للطغاة

حسين مرعب للطغاة

 

إكـتب أكـتب يـا قـلم

وصوري ياكامرات

نحن عشاق الحسـين

شوكة بعيون الطغاة

 

4

هاك إخذ وزع الصورة وإلك من الله أجر

صورة للكرار حيدر بخيبر وإحد وبدر

بسيفة ثبت هل العقيده وحطم أركان الكفر

وصوره لأحفاد آل أمية تشحذ بسيف الشمر

 

الثار صار بكربله بالشمر وبحرمله

 

وللأسف حتى الفرات

وللاسف حتى الفرات

 

إكـتب أكـتب يـا قـلم

وصوري ياكامرات

نحن عشاق الحسـين

شوكة بعيون الطغاة

5

جيب كامرتك تعال وخلي ندخل كربلاء

نصور أحداث المصيبة وناخذ أقوال النساء

وقرب الصورة على زينب بموكب العز والإباء

وإكتب الكالته الحره زينب أم الكبرياء

 

ونحفظ إحنه الذاكرة بالقلم والكامره

 

وكله عدنه موثقات

وكله عدنه موثقات

 

إكـتب أكـتب يـا قـلم

وصوري ياكامرات

نحن عشاق الحسـين

شوكة بعيون الطغاة

 

6

هذي صوره من الطفوف للرماح وللسيوف

صوره للطفل الرضيع وللرؤوس وللجفوف

وصورة للحوراء زينب وهي محزونه تشوف

تشوف أنصار الحسين تجي للحضرة وتطوف

 

جنة قبرك ياشهيد وبسقر خالد يزيد

 

صوري ياكامرات

صوري ياكامرات

 

إكـتب أكـتب يـا قـلم

وصوري ياكامرات

نحن عشاق الحسـين

شوكة بعيون الطغاة

 

7

إخذ صوره للمجالس من الجوامع والكنائس

وشوف عشاق الحسين كله صارت مثل عابس

وإخذ صوره من العراق حسين باقي لشعبه حارس

وسجل بحبر القلم صار فكر الحقد يائس

 

إكتب وقل للنواصب أن آمر الله غالب

 

لنا ما كان وآت

لنا ما كان وآت

 

إكـتب أكـتب يـا قـلم

وصوري ياكامرات

نحن عشاق الحسـين

شوكة بعيون الطغاة

 

 

جليل هاشم البكاء

 قصائد أخرى

info@alforat.net

 

 

 

 

 

 

 

  

tap picture

 

 

 

 

 

 

Copyright 2002 - 201Alforat Media Center  . All rights Reserved  

 

English   عربي   Contact   إتصال   News  الأخبار  Video  الفديو